O produto amparado pola indicación xeográfica protexida (IXP) Tarta de Santiago é un doce tradicional galego, cuxos compoñentes básicos son améndoas, azucre e ovo, empregados nas proporcións e segundo as condicións que se definen no prego de condicións do produto, e no Regulamento.

A zona de elaboración das tortas amparadas pola IXP Tarta de Santiago abrangue todo o territorio da Comunidade Autónoma de Galicia.

Forma

Redonda con cuberta de azucre glasé onde figurará a cruz da Orde de Santiago como sinal de identidade propia.

Aroma

Típico a xema e améndoa.

Cor

Cobertura branca en superficie debido á decoración con azucre glasé e cor dourada ao corte.

Sabor

Típico a améndoa.

Textura

Esponxosa e granulada.

INGREDIENTES E CANTIDADES

Os ingredientes da Tarta de Santiago (torta sen forro ou corpo da torta no caso das forradas) serán os seguintes:

Améndoas

· Primeira calidade
· Contido en graxa superior ao 50% (medido sobre o produto con pel)

33% sobre o peso total da masa

Azucre

· Refinado (sacarosa)

33% sobre o peso total da masa

Ovo

≥25% sobre o peso total da masa

Reladura de limón

Quantum satis
(segundo arte culinaria)

Viño doce, brandy, augardente de bagazo

Quantum satis
(segundo arte culinaria)

Azucre glasé

Quantum satis
(segundo arte culinaria)

PRESENTACIÓN

Existen dúas presentacións básicas, torta forrada, é dicir, con base, e torta sen forrar. Á vez, cada unha destas presentacións admitirá distintos formatos en función do tamaño da torta que se vaia realizar.